euer phil
__________
hallo, ihr textsüchtigen. ich habe wieder etwas für euch. diesen text habe ich gestern fertiggeschrieben.
ihr müsst euch folgendes szenario vorstellen:
sitze vor meinem pc-schrank. kopfhörer auf. mit etwas lauter metal-music. derzeit höre ich eluveitie. folk gemischt mit viel death-metal. die einzelnen stücke gehen ins ohr.
und jetzt wünsche ich euch noch viel spass beim lesen.
dieser text lautet
>>>>>>>>>>>>>>>>>>>>>>>><<<<<<<<<<<<<<<<<<<<<<<<
384. | ontwoat.
Des
moagnrot begrüsst liab die schneebedecktn beag, wie a bluadigrods messa a
unschuidige haut
Die
hoglköana trommln iahn rhythmus vakeaht, wie a bombmregn vanicht ois zu feinem
staub
Da
volle mond losst seine kräfte wieda moi frei, wie a füahra seine feind mit stroflogasystem
Die
stean sendn die botschoft mit iahra molarei, wie a spion des dokument ohne a
problem.
Die
woamen sonnenstroihn streichln zoat den horizont, wie a geistlicha im
beichtstuih diese kindahond
Da
regn bringt die öde wüste wieda zum blühn, wie a grossmeista seine stoakn
figuan zum spün
Die
singularität hot unsa wödoi geboan, a fanatika hot seine jünga auseakoan
Des
schwoaze loch vaschluckt afoch ois sogoa des licht, wie a riesige schrottpresse
des eingfoine gsicht.
Die logik entziagt si meina
kenntnis, die ealeuchtung hot die weisheit eahöt
Die vanunft foit vüz tiaf in des
valies, des bewusstsein hot si weita vastöt
Die eafindung kommt in vagessnheit,
des genie hot scho den vastond valoan
Die foaschung flüchtet si in die
raumzeit, dea ontwoat
san die frogn zu vawoan.
Des
blaue fiamament moit a grauschwoaze spiroin, wie a peaveasa künstla mit da söbstgmochtn
foab
Da
weiche schnee kuschlt mittn im lawinenroin, wie a masochist mit peitsche, knüppl
und maulkoab
Da
sonfte wind flüstat geheimnisse ind natua, wie a rechtsradikale hossparoin zu
seim bua
Da
rauchende beag losst sein zoan pletzlich frein lauf, wie a rauschgiftsüchtiga
beim letztn drognkauf.
Des
rauschende mea bricht seine wön om weissn strond, wie a schläga die knochn vom
fuass, bein, oam und hond
Die
wondanden dünen begrom unta si jeds lem, wie a massngrob beim kriagsfrontaln
wüdn bem
Da
grosse komet locht unsra eadn heazlich on, wie a todgeweihte frau iahn
vastoabnen monn
Die
finstanis om tog mutiat glei zum negativ, wie a valogne hoibwoahheit zu an
blitzongriff.
Nua
a seah klana besa gedonke genügt, und scho hot ea die wiaklichkeit pflückt
Denn
nua a fliaglschlog vom schmettaling reicht aus, und scho tonz ma ums zasteate
haus
Nua
a seah leis ausghauchtes beses woat genügt, und scho wiad da sotz vakeaht
eingfügt
Nua
a sonfte londung von an laubblott reicht aus, und scho bebt die eadn mit
applaus.
Die eakenntnis liefat mia kan
beweis, die weisheit hot substanz symbolisiat
Im valies läuft da vastond scho im
kreis, des bewusstsein hot si manipuliat
Die vagessnheit is so kreativ, die
konsequenzen hom si so eagem
Die raumzeit is mutlos und
depressiv, die ontwoat
auf die frog eastickt im lehm.
Net jeda kloare vagleich
zöht om schluss, denn net jede ontwoat
trifft auf an fluss
Net jede analyse eagibt
sinn, net jede ontwoat
hot vü sympathien
Net jeda bericht stimmt
hundatprozent, net jede ontwoat
hot a argument
Net jede prognose is
gonz korrekt, denn net jede ontwoat
vadient respekt.
Des
obendrot vaobschiedet si vom ruhign teich, wie a grosse schoafe oxt zum
bluadign ausgleich
Des
drohende noadlicht leuchtet aufm letztn weg, wie zwa glühend rode punkte in da
nocht auf an steg
Da
gröweisse blitz schlogt mit an lautstoakn knoi ein, wie a gwoafna heissa sta
die helle festascheim
Des
poitande donnagroin dröhnt duachn woiknbalkon, wie a despotisch eisane stimm
duachs mikrofon.
Die
koidn stroihn vom mond tauchn ois in schummrigs licht, wie a varosteta nogl in
jede hautschicht
Die
sintflut eatränkt ois unta ana wossawond, wie a heiliga seine schof untam
widastond
Die
schlommlawin trocknet aus zu an hoatn beton, wie a vauateilta aufm elektrischn
thron.
Die
schwäazeste nocht findt gonz sicha wieda sei end, wie a massnmöada sei
stüamisches glücksmoment.
Nua
a seah kuaze grausame eingebung genügt, und scho hot ea a vabrechn vaübt
Denn
nua a fliaglschlog von da libön reicht aus, und scho gibts wieda an
leichnschmaus
Nua
a leis gflüstata grausama sotz genügt, und scho wiad die gschicht gonz foisch
zommgfügt
Nua
a sonfte londung von da feda reicht aus, und scho bebt die eadn mit applaus.
Die logik is füa mi net relevant,
die ealeuchtung spieglt den lebmssinn
Die vanunft bleibt afoch niemois
konstant, des bewusstsein hot nie an neubeginn
Die eafindung woa net peafekt
duachdocht, des genie hot jetzt scho völlig duachdraht
Die foaschung homs scho nua no laut
ausglocht, die ontwoat
findt die frog zu rabiat.
Net jeda kompromiss is
gonz gerecht, denn net jede ontwoat
ziagt ins gefecht
Net jeda konsens wiad
glei akzeptiat, net jede ontwoat
wiad glei denunziat
Net jeda konflikt endet
graunhoft, net jede ontwoat
wiad glei hoat bestroft
Net jeds problem löst si
von gonz allan, net jede ontwoat
hot an eignen plan.
Eastick do
die ontwoat im keim, damit jo
ka laut meah eatönt
Easchlog die ontwoat
mit an stein, sunst wiad die frog zu seah vawöhnt
Eastich die ontwoat
mit an schweat, damit sis resultat entzweit
Easchiass die
ontwoat wutvazeat, sunst
hot sa si von söbst befreit.
Da
kloare himml wiad von schwoazn woikn vadeckt, wie a söbstmoadterrorist von seim
eignen projekt
Da
nöadliche pol wondat ins südliche gebiet, wie a kriminella vagabund ois parasit
Des
ozonloch hot sei reich imma weida ausdehnt, wie a sadist mit dem skalpell sei
grosses talent
Da
tödliche virus reist gonz alla um die wöd, wie flüchtende familien übas
minenföd.
Die
heissn sonnenstroihn entfochn a feiawond, wie a ungerechtigkeit an zähn
widastond
Da
lebmsspendende fluss produziat pletzlich gift, wie a föscha a anzigoatige
untaschrift
Die
zehn plogn stehn im direktn engen kontakt, wie a triebtäta bei an missbrauchtn
geschlechtsakt
Da
schwoaze schottn frisst si duachs gesomte wödoi, wie a patrone duach haut und
knochn beim aufproi.
Nua
a winziga gnodnlosa funkn genügt, und scho hot ea die spuan geschmückt
Denn
nna a fliaglschlog vom kolibri reicht aus, und scho schaut die hex zum fensta
raus
Nua
a leise gnodnlose phrase genügt, und scho wean lügn hinzugefügt
Denn
nua a sonfte londung von da sö reicht aus, und scho bebt die eadn mit vü
applaus.
Die bestimmung hot hia kan stönweat,
die weisheit vaobscheut die dekadenz
Die gleichföamigkeit wiad sofoat
obgweaht, des bewusstsein is dletzte existenz
Die vagessnheit winkt no zum
obschied, die eainnarungen foign dem licht
Die raumzeit is bereits paranoid, do
die ontwoat valiat iah
gleichgewicht.
Net jeda mittlweg füaht
zu sein zü, denn net jede ontwoat
kennt scho des spü
Net jede harmonie
eafüllt den zweck, net jede ontwoat
londet glei im dreck
Net jede stütze hoit
füad ewigkeit, net jede ontwoat
hot a gewissheit
Net jede aufgob hot
d‘lösung parat, net jede ontwoat
is a duplikat.
Eastick do
die ontwoat im keim, damit jo
ka laut meah eatönt
Easchlog die ontwoat
mit an stein, sunst wiad die frog zu seah vawöhnt
Eastich die ontwoat
mit an schweat, damit sis resultat entzweit
Easchiass die
ontwoat wutvazeat, sunst
hot sa si von söbst befreit.
Drum
vanicht afoch olle frogn, donn host voa da ontwoat
a ruah
Vabiet
afoch jedn die frogn, vawisch jede anzelne spua
Drum
lösch jetzt endlich olle frogn, donn bleibt jede ontwoat
vaschoin
Du
muasst die vaontwoatung trogn, denn des wissn is uns entfoin.
Des
moagnrot begrüsst liab die schneebedecktn beag, wie a bluadigrods messa a
unschuidige haut
Die
hoglköana trommln iahn rütmus vakeaht, wie a bombmregn vanicht ois zu feinem
staub
Da
volle mond losst seine kräfte wieda moi frei, wie a füahra seine feind mit
stroflogasystem
Die
stean sendn die botschoft mit iahra molarei, wie a spion des dokument ohne a
problem.
~~~~~~~~~~~~~~~~~~~~~~~~~~~~~~~~~~~~~~~~~~~~~~~~
geschrieben am
12./13./14./15. september 2016.pk.
copyright by philipp kirschner.pk. - 14. november 2016.pk.
********************************************
nochmals ein herzliches dankeschön für euer interesse, für eure lange treue, euren oftmaligen besuch und für eure investierte zeit, die ihr alle ins lesen und übersetzen dieser mundartigen texte steckt. vielen lieben dank dafür.
und hier wieder die üblichen links:
danke für alles. und ich habe noch eine grosse bitte.
bleibt mundartig gesund und bleibt mir weiterhin gewogen.
euer philjazzmetal, dialectiloquax, der mundartige.
Keine Kommentare:
Kommentar veröffentlichen