329. | Vamiss.

hallo ihr lesenden maniacs. habe soeben für euch die restlichen 8 strophen hochgeladen. also ran an den text und  l e s e n .
danke dafür. euer phil
________________

meine lieben, treuen und textsüchtigen leserinnen und leser.
der nächste text steht für euch zum lesen in den startlöchern. darum sperrt die augen auf und inhaliert diese lyrische explosion.

danke sogleich an euch für euren besuch und euer interesse an meinen texten.

wahrscheinlich fragt ihr euch ob meiner rechtschreibung. naja. ich schreibe gerne alles klein und in mundart. nur der satzanfang wird bei mir gross geschrieben sowie die überschrift. versuche aber die rechtschreibung in meine mundartdichtung einfliessen zu lassen:
ein kleines beispiel: erhöhen -  eahöhn >< erhellen - eahön.

dieser text entstand bereits am 10.+11.+12.+13. oktober 2015.

vielleicht schaut doch mal auf

www.facebook.com/philjazz  vorbei oder auf

twitter.com/philjazmetlyric

und schreibt mir eure gedanken dazu. würde mich sehr freuen.
jede kritik ist erwünscht.

hier ein überblick über band 4 und band 3.

so, jetzt aber los:

>>>>>>>>>>>>>>>>>>>>>>><<<<<<<<<<<<<<<<<<<<<<<<

329.     Vamiss.

Du bringst afoch jede vawökte blume zum blühn, und du bringst afoch jeds eakoitete heaz zum glühn

Du vastroihst so vüa wäame und vaschenkst so vü licht, und dei lächln vazaubat und betöat jeds gedicht

Du fesslst alla duach dei eascheinung, dei figua, du entflommst des lodande feia in da natua

Du blendest duach dein onblick, duach deine leidnschoft, du lockst mit deine augn, deina onziehungskroft.

Du bringst afoch jede vadoate blume zum blühn, und du bringst afoch jedn hoatn sta zum funkn sprühn

Du reizt duach dei minikleid zua leibesvisitation, du entfesslst in jedm a gefühlsexplosion

Du fasziniast duach dei ausstrohlung, dein sexappeal, du vahext jedn vastond duach dei vafüahrungsspiel

Du earegst die gemüta, jedn anzelnen sinn, du mochst jedn gonz schoaf und hass scho seit onbeginn.

            Oba i vamiss jetzt nua dei liebe, denn die hob i bei dia no nie gsehn, gspiat oda ealebt

            Drum vamiss i jetzt dei woahre liebe, denn die host du scho long hamlich iagendwohin vaschleppt

            Und i vamiss no imma dei liebe, denn die host tiaf in dia vagrobn, zuagschütt und vasteckt

            Denn i vamiss afoch nua dei liebe, oba i glaub, die host du no goa net bei dia entdeckt.

Du bringst afoch jede ausdöate blume zum blühn, und du bringst die oide natua donn wieda zum spün

Du mochst jedn neavös, vauasochst schweissnosse händ, du vawondlst jeds heaz in kaotische zuaständ

Vaschlingst jedn süchigen blick auf dei peafektion, du vasetzt jedn gedonkngong in rotation

Geniesst die stete aufmeaksomkeit von jung und oid, und du provoziast mit deina freizügign gstoit.

Bringst afoch jede vatrocknete blume zum blühn, brichst jedm ohne doss ea wos meakt den frein wün

Und du manipuliast spielend leicht jedn vastond, du streichlst die phantasie mit deina zoatn hond

Du vasüsst mit deina erotik jedm sei lem, und du wüazt kräftig des männliche betriebssystem

Du animiast wie a engl mit deina unschuid, du streichlst mit deine fliagl jedamanns geduid.

Oba du hintalosst auch a zaklüftete krotalondschoft, ohne iagend a reaktion

Und du vauasochst a kaos, heazzareissend tränend bestroft, afoch ohne a emotion

Denn du trittst lawinen los voll sölischa pein und hoatn quoin, do dia hot des no nie beriaht

Du provoziast unobsichtlich a kollektives stanaroin, do du host des net registriat.

            Denn i vamiss jetzt nua no dei liebe, denn die hob i bei dia no nie bemeakt oda gefühlt

            Drum vamiss i jetzt dei echte liebe, denn die host du scho long hamlich iagendwohin foatgspült

            Und i vamiss no imma dei liebe, denn die is scho längst tiaf in dia hingfoin und ausgekühlt

            Denn i vamiss afoch nua dei liebe, oba i glaub, die host mit da hoatn schoin umhüllt.

                        Do vielleicht host scho schlechte eafoahrungen gmocht, wo du dei vatraun valoan host

                        Vielleicht host deine gfühle duachanondabrocht, bist nua eingspeat in a floschnpost

                        Vielleicht hom deine augn, dei mund net meah glocht, dei heaz, dei sö san gonz vawoahlost

                        Do vielleicht vamiss i nua unsre steanennocht, denn die eainnrung is scho fost vablosst.

Du bringst afoch jede obgstoabne blume zum blühn, on deina somtwachn haut konn ma si nua vabrühn

Du stöst dein peafektn keapa afoch gean zua schau, in olle richtungen büdet si bei dia a stau

Übazeugst mit deim auftritt, deina söbstsichaheit, du host intuitiv jedn von zwängen befreit

Du eascheinst donn, wonn kana meah on dei kommen glaubt, du host jedm scho duach dei scheeheit den atem graubt.

Du druckst deine konkurrenz spielend leicht on die wond, du vaschleiast voa den männen dein woahn vastond

Eazöhst hoibwoahheitn üba dei eigne peason, dei zoate stimm hot an beruhigend schwingendn ton

Bewegst di geschmeidig und fedand in holda zia, du tonzt elegant oba schleichst auch wie a raubtia

Gehst kana platonischn berüahrung ausm weg, wiast gean von jedm bekniet, eaobat und ongfleht.

Oba du zasteast olle wunschträume, die schee longsom gedeihn, san wie seifnblosn im wind

Du entfeanst die illusion da beziehung, wiad si net einreihn, host ois vagrom im labyrinth

Du zasetzt olle schwüre und vasprechungen zua rechtn zeit, gibt übahaupt kan kompromiss

Du weahst di gegn jede foam von intima onhänglichkeit, mochst daraus a ka geheimnis.

            Drum vamiss i jetzt nua no dei liebe, denn die hob i bei dia no nie empfundn und eablickt

            Drum vamiss i jetzt dei treue liebe, denn die host du scho längst wieda hamlich weit gnua foatgschickt

            Und i vamiss no imma dei liebe, denn die host gfesslt und kneblt und in rätsl vastrickt

            Denn i vamiss afoch nua dei liebe, do i glaub, du host mit iah an ziemlich grossn konflikt

                        Denn vielleicht host scho wos gonz schreckliches ealebt, wo du donn an schwua geleistet host

                        Und vielleicht hot dei innastes kräftig gebebt, trogst mit dia a riesngrosse lost

                        Vielleicht san deine augn und dei mund zuaklebt, dei heaz, dei sö san gonz vawoahlost

                        Vielleicht vamiss i nua unsa liebesrezept, denn die eainnarung is scho fost vablosst.

                                   Do du gehst ma jetzt ausm weg, host ka lächln meah füa mi in deim gsicht

                                   Bin jetzt nua no mittl zum zweck, dei obneigung bringt mi ausm gleichgwicht

                                   Vamiss dei liebe, dein sonftmut, vamiss dei von innen leuchtendes licht

                                   Vamiss dei hasse, wüde glut, vamiss jede anzelne wache schicht.

Du bringst jedn samen zum keimen, woxn und blühn, pfeile und bögn valeanen des peafekte zün

Dei augnzwinkan bewiakt an hoamonübaschuss, erotische phantasien bodn im übafluss

Du jogst die wollüstign gedonkn in an kreis, lockst die animalischn düfte aufs foische gleis

Die earegte fleischliche gia wiafst glei ins eismea, dea romantische keaznschein is scho wieda lea.

Die vün vaeahra san goa net meah relevant, jede vaobredung is füa die unintressant

Du wasst genau wos deine reize heraufbeschwöan, konnst die beteuarungen scho goa net meah onhöan

Ignoariast den ontrog, den onnäharungsvasuach, vaschmiast und zareisst die seitn in deim togebuach

Fliagst auf woikn duach dei eigne zeit, dein eignen raum, londest gonz sonft auf deim weit vazweigtn lebnsbaum.

Oba du hintalosst a wüste ohne an heilungsprozess, da schmeaz steckt im detail vüz tiaf drin

Und du vauasochst nua vawirrung, eazeugst bei oin nua no stress, dabei gibts goa ka disziplin

Und du löst katastrophn aus, sporadisch und intuitiv, do du schaust goa net meah weit zruck

Du eazeugst a hohe flut aus tränen, traua und unglücksschiff, du stehst a nie seah unta druck.

            Deshoib vamiss i so seah dei liebe, denn die hob i bei dia no nie woahgnommen und eakonnt

            Drum vamiss i jetzt dei feste liebe, denn die host bestimmt scho längst eingmauat oda vabronnt

            Und i vamiss no nimma dei liebe, denn die host mit deine tränen foatgspült, san untataucht

            Denn i vamiss afoch nua dei liebe, do i glaub schee longsom dron, du host das scho längst vakauft.

                        Denn vielleicht is da scho gnua böses widafoahn, wo du kan ausweg meah gsehn host

                        Und vielleicht woitst da nua ois weitare easpoan, bist fleckig vom rötlich braunen rost

                        Vielleicht san deine augn, dei mund scho eastoat, dei heaz, dei sö san gonz vawoahlost

                        Vielleicht vamiss i nua dei siasse gegnwoat, denn die eainnarung is scho fost vablosst.

                                   Do du vaspeast ma jede tüa, hob jetzt net amoi meah mit dia kontakt

                                   Bin jetzt füa di nua a geschwüa, dei gefühlskötn bringt mi ausm takt

                                   Vamiss dei liebe, dei sonftheit, vamiss unsan glücklichn liebesakt

                                   Vamiss dei endlose freiheit, vamiss dein wüazig siassheabn extrakt.

                                               Vamiss afoch nua dei liebe, dei nähe, dei wäame, dein keapa, dein vastond

                                               Vamiss afoch nua dei liebe, dei güte, dei feane, dei lust, dein horizont

                                               Vamiss afoch nua dei liebe, dein eifa, dei demut, dei gia, dei lichtafront

                                               Vamiss afoch nua dei liebe, dei wollust, dei anmut, dein laut, dei liebesbond.

                        Do vielleicht host scho schlechte eafoahrungen gmocht, wo du dei vatraun valoan host

                        Vielleicht host deine gfühle duachanondabrocht, bist nua eingspeat in a floschnpost

                        Vielleicht hom deine augn, dei mund net meah glocht, dei heaz, dei sö san gonz vawoahlost

                        Do vielleicht vamiss i nua unsre steanennocht, denn die eainnrung is scho längst vablosst.

~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~

copyright by philipp kirschner 23. september 2016.pk

***********************************************

danke nochmals für euren besuch.
euer
textender phil