danke für euren besuch und bleibt mir gewogen :) euer phil
seid erstmals aufs herzlichste gegrüßt, o meine lieben philmania-gemeinde :)
danke für euren besuch und eure beanspruchte zeit, die ihr ins lesen dieser texte investiert.
habe mir gedacht, ich veröffentliche jetzt in den nächsten stunden, tagen mehrere texte, damit euch in der zwischenzeit nicht langweilig wird.
dieser text 351 vakuum entstand am 27.+28. jänner 2016. ich bin wirklich immer selber überrascht, wie an einigen tagen der text mit einer leichtigkeit nur so aus mir herausströmt.
habt wie immer spass daran und vielleicht sind einige passagen ja für euch relevant. vielleicht habt ihr so ähnlich empfunden.
danke für euren besuch und bleibt mir gewogen :)
*************************************************************
351. Vakuum
Und
no imma schäum i voa wut, üba mei eignes söbst vauasochtes dummes missgeschick
Und
no imma kocht donn mei blut, a wonn i nua dron denk on diesn sinnlosn augnblick
Und
no imma boi i die faust, obwoih des malöa scho so long in da vagongenheit
schloft
Und
mei innra stuam tost und braust, konn diese schmach net vagessn, schee longsom
föht ma die kroft.
Und
no imma ras i voa zoan, üba mei klane unochtsomkeit, mei monglnde soagfoit
Und
no imma stichts wie a doan, wonn des vadommte büd mit gschlossne augn voa mia
eastroiht
Und
no imma bin i eazüant, üba mei unlogische aktion, üba mein fümriss
Mei
innra stuam hot si auftüamt, bin scho kuaz voam detonian, do es gibt kan
kompromiss.
Muass mi jetzt endlich beruhign und entsponnen,
meine innren hitzn obkühln
Muass mi jetzt söbst entschäafn und
entgiftn, deaf do drin net meah stochan und wühln
Muass jetzt endlich moi obschoitn
und vaschnaufn, jetzt an schlussstrich ziehn und ausruhn
Muass mit jetzt endlich zua
meditation zwingen, donn find in weg ins vakuum.
Und
no imma reg i mi auf, üba mein vüz longsomen reflex, hob gonz foisch reagiat
No
imma nimm is net in kauf, hob schliesslich diese schweawiegenden föhla söba
provoziat
No
imma wea i aggressiv, wonn mi wea drauf onspricht und ungemein blede frogn stöt
Mei
innra stuam is negativ, die kettnreaktion unobsehboa, afoch zoft vazöht.
Und
no imma wea i gonz wüd, wonn i donn on jede klanste pikante einzlheit denk
Und
no imma bin i bemüht, olle eainnarungen zu löschn, ois wäas a geschenk
Und
no imma tob i no rum, die geringste ondeutung bewiakt bei mia an
schweissausbruch
Mei
innra stuam is a monstrum, om liabstn bedeck i ois mit an dickn und schwean
tuch.
Spuck
giftign geifa, schrei dröhnend laut mein hoss hinaus, mei rasarei mutiat scho
zum vuikan
Geissl
mein keapa, bestöh ma a foaht in des schlochthaus, kreia an genialn mastaplan
Fauch
eich oin ins gsicht, krotz, beiss, kämpf um lebn und tod, befreits mi do
endlich von diesn quoin
Valetz
mi söba, denn die dämonen liebn spü und brot, bringen die lawin ins ewige roin.
Muass mi jetzt endlich bändign und
entkrompfn, die knotn lösn und entwian
Muass jetzt endlich meine besn
geista austreim, deaf in diesa zeit net pausian
Muass jetzt endlich die hohn wogn
glättn, damit mi die flut net übaschwemmt
Muass jetzt endlich diesn eisanen
griff lockan, des vakuum
is ungezähmt.
Konn im vakuum
wieda richtig frei lebn, weda grenzn no schronkn engen mi do ein
Konn im vakuum
den zwängen leicht entschwebn, doat gibts kane barriean aus beton und stein
Brauch jetzt dringend
des vakuum füa mein friedn, des sölische
gleichgwicht den woamen sonnenschein
Denn nua im vakuum
gibts a unentschiedn, nua im vakuum
eafoasch i mei eignes sein.
Und
no imma bin i geneavt, üba mei longsomkeit auf gegnmassnahmen zu reagian
No
imma hob i mas eingschäaft, nimm net ois so wichtig, vasuach do des jetzt zu
akzeptian
No
imma wea i rabiat, diese entgleisung eskaliat zu an schmettalingseffekt
Mei
innra stuam geht aufm grat, fegt üba die steiln hänge, hot scho wieda bluad
geleckt.
Und
no imma schlog i glei zua, blend olle konsequenzn aus, drah mi um hundatochzg
grad
Und
no imma leist i den schwua, vatrau meim feinem instinkt, foig mein eingschlognen
longen pfad
Und
no imma wead i brutal, stüaz mi eiskoid auf die opfa ohne rücksicht auf valust
Mei
innra stuam is nie neutral, schickt sei gonze armee mit eisana gwoit gonz
unbewusst.
Koch
und gäa innalich, hob scho mei kontrolle valoan, meine tobsuchtsonfälle
eskalian
Die
peitsche is mei freind, die züchtigung is ongeboan, muass mein defektn
schutzschüd aktivian
Hob
eich olle vaflucht, hetz eich zu unheil und vadeam, ealöst mi do endlich von
diesm schmeaz
Loss
mi söbst blutn, denn die dämonen liebn des steam, und treibn mein vastond
obwäats.
Muass mi jetzt endlich mässign und
guad eahoin, woat auf die wiakung vom sonftmut
Muass jetzt endlich mei rückgrat
vastäakn und stähln, bin voa mein onfoi auf da hut
Muass jetzt endlich ins eisige mea
eintauchn, die äussare schoin soi einfrian
Muass jetzt endlich den rotn
alarmknopf drückn, konn donn im vakuum
jonglian.
Bin im vakuum
von jeda schuid enthobn, weda schluchtn no beage engen mi do ein
Im vakuum
wean olle sündn vaschobn, ka linie trennt schmutzig vadreckt von gonz rein
Brauch jetzt dringend
des vakuum füad harmonie, die innre
ballance braucht den woamen sonnenschein
Denn nua im vakuum
gibts die anomalie, entschlüssl nua im vakuum
mei eignes sein.
Des vakuum
is mei sichra hofn, mei onkaplotz, im vakuum
fühl i mi wieda gonz leicht
Des vakuum
is in mein besitz, mei weatvoista schotz, denn i bin nua auf des vakuum geeicht
Des vakuum
is mei religion, mei heiligsta oat, denn nua im vakuum
find i zu meim glaum
Des vakuum
hot a eigne sproch, hot des letzte woat, nua im vakuum
spia i ka zeit, kan raum.
No
imma is ma ois vahosst, diese beschissne gschicht vafoigt mi heimtückisch bis
zum end
No
imma hob i nix vafosst, muass ma jetzt endlich vagebn, des beichtn hob i
obglehnt
Und
no imma bin i varoht, bin mei eigna feind, ziag gegn mi in die bluadige schlocht
Mei
innra stuam gerät in not, eanäah eam mit mein amoklauf, hob sei wiakung
vavüfocht.
No
imma gedeiht eifasucht, düngt gekonnt mit übasteigata fuacht, würzt mit gia und
neid
No
imma bin i auf da flucht, konn meim weadegong net entkommen, hiafüa gibts ka
mitleid
No
imma isd bestie do, konns a goa net vatreim, lebt und wohnt in mia bis finsta
wiad
Mei
innra stuam a dynamo, saugt ois schlechte und bese auf bis ea heftig explodiat.
Hochlodandes
feua, die flommen hom die woahheit küsst, mei hungrige extase trinkt und frisst
Hämma
nägl ins fleisch, die wundn mit essig vasüsst, bin und bleib a eafüllta
pessimist
Iah
sads da letzte dreck, eire hüfe hot glei vasogt, enthebts mi do endlich von
diesa last
Vastümml
mi söba, hob die dämonen net vajogt, hom mei lem ons vakuum ongepasst.
Muass jetzt donn endlich genesn und
gesundn, und olle gedonkn obdrehn
Muass mi endlich wieda aufheitan und
lochn, muass mei eigne prüfung bestehn
Muass jetzt üba wön springen und
drauf reitn, mecht so gean übas wossa gehn
Muass jetzt endlich den schmutz
obwoschn und foatspüln, im vakuum
konn i net vawehn.
Hob im vakuum
ka ongst voa an misseafoig, weda gitta no wände engen mi do ein
Brauch im vakuum
kan apparat, ka weakzeug, ka hüade konn mi von meim eignen ich entzwein
Brauch jetzt dringend
des vakuum füa licht und ton, da liebliche
klong braucht den woamen sonnenschein
Denn nua im vakuum
gibts ka armageddon, nua im vakuum
eagründ i mei eignes sein.
Des vakuum
is mei sichra hofn, mei onkaplotz, im vakuum
fühl i mi wieda gonz leicht
Des vakuum
is in mein besitz, mei weatvoista schotz, denn i bin nua auf des vakuum geeicht
Des vakuum
is mei religion, mei heiligsta oat, denn nua im vakuum
find i zu meim glaum
Des vakuum
hot a eigne sproch, hot des letzte woat, nua im vakuum
spia i ka zeit, kan raum.
Schliess
jetzt meine augn und loss jetzt endlich ois hinta mia weit zrück
Geh,
lauf, schwimm, tauch, fliag und schweb jetzt endlich ins vakuum
mit vü glück
Öffne
jetzt wieda meine augn und fong donn von gonz voane on
Mei
lebn, mei ich, mei sein laufn wieda wie geschmiat und synchron.
~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~~
copyright by philipp kirschner 22.09.2016.pk
besucht mich doch auf www.facebook.com/philjazz und/oder twitter.com/philjazmetlyric
danke nochmals für euren besuch.
euer
phil
Keine Kommentare:
Kommentar veröffentlichen