danke für euren besuch. euer phil.
*************************************
363.
Gestan heut.
Da
easte schritt is imma da schwiarigste von oin, denn bis zum letztn wiad no gnua
regn foin
Beim
klanstn widastond vadrängt die feigheit den mut, suacht si a vasteck voa da
panischn flut
Trotzdem
drängt die zeit mit an foadandn ontrieb, da impuis fühlt si on wie a oida sieb
Afoch
in jeda eckn föht die motivation, kräfte und eneagien zeign ka reaktion.
Und
donn da zweite is wieda a gonza schritt zruck, ma kumt net kloa mit diesm
sölischn druck
Denn
des levl da wönbewegung bleibt imma gleich, ma bleibt afoch imma im söbm
bereich
Die
beag- und toifoaht hoit des einheitliche niveau, beim völlig identischn
oabeitstempo
Mocht
kan untaschied egal auf wöchn fleck ma steht, da letzte funkn wuade vom winde
vaweht.
Spea mi ein, moch komplett zua, meine
schwächeonfälle lossn ma ka ruah
Wü nix meah hean oda sehn, vaschliess
augn und oahn voa jedm problem
Ända ständig mein stondpunkt, hob scho
vüz oft im dreck und schlomm deftig eintunkt
Leb im gestan
net im heut,
brauch füa jede schwiarigkeit an ondan therapeut.
Und
beim drittn schritt bekomm i glei a gänsehaut, mei keapa zittat und bebt, moch
a kan laut
Massive
ongstattackn foitan scho mein vastond, des bese lauat scho auf mi üban rond
Des
kaos beheascht in mia jede anzelne zön, konn goa net lügn, konn mi a net vastön
Ziag
scho long kane fädn meah, bin nua passaschia, wuade vasklavt, bin ausgstossn
von mein revia.
Beim
viatn schritt liegt da stoipastein direkt voa mia, stiaz hoat zu bodn, bin jo
sei beutetia
Die
wucht vom aufproi schickt mi ind bewusstlosigkeit, mei stumma schrei noch hüf
stroft mi mit blindheit
Tauch
duach a schwoaze masse zähflüssig und eiskoid, gonz hoch om hob i ma an
lichtpunkt hingmoit
Schwimm
wie in zeitlupe drauf zua, longsom und dezent, krotz on da obaflächn, hobs donn
glei duachtrennt.
Hob
des zöhn da schritte scho aufgem, denn wonn i zruckblick umhüllt dichta nebl
mei gehian
Konn
meine spuan net meah hearaushem, denn wonn i danoch suach stoss i auf
aggressive wian
Oadne
die gedonkn mit bedocht, denn wonn i zu seah wühl valia i mi im labyrinth
Hob
jetzt endlich wos wichtigs voibrocht, des heut is explodiat, des gestan
is imma no vamint.
Hob um mi a maua baut, ohne fensta und
tüan, hob goa kan meah vatraut
Wü nix meah sehn oda hean, vaschliess
augn und oahn voa kompliziatn sphäan
Spring von nichtig zum extrem, hob scho
vüz oft an kriag gfüaht mit diesm system
Leb im gestan
net im heut,
hob füa jede situation ausredn einbleut.
Zwischn gestan
und heut besteht a grossa untaschied,
bleibt vaboagn in an zeitsprung
Gestan
woa i a niemond, heut
bin i mei eigna schmied, schwing mein schwean homma mit vü schwung
Nochm gestan
und voam heut
gibts goa kan kompromiss, fliag gemächlich duach die raumzeit
Gestan
woa ois kloa, do heut
an komplettn fümriss, hob die büda von den foabm befreit.
Da
fünfte schritt beendet scho fost an gonzn kreis, steh mit beide fiass auf an
gonz foischn gleis
Diese
schienen füahn in a ungewisse zukunft, des wossa rinnt nua beagob ohne vanunft
Foig
eam stua duach woid, wiesn, föda, wüstn und seen, üba beag, duach täla bis ins
nächste lem
Mei
gleichgültigkeit is mit da apathie vawondt, mei gähnende leare ziagt si bis zum
horizont.
Da
nägste schritt mündet in a heiligs hexagon, olle seitn san zum mittlpunkt
synchron
Spia
füan kuazn augnblick a unsichtboare kroft, die eneagetische woikn hot mi
gstroft
Lod
si elektrisch auf und sendet donna und blitz, do i nimm von diesm schauspü ka
notiz
Wie
vaschnüat und gfesslt, konn mi afoch net mea riahn, muass mei schicksoi jetzt
endgültig akzeptian.
Beim
siebtn schritt findn geist und seele zu einond, denn jeds element hots lebn in
da hond
In
da dreifoitigkeit steckt vielleicht sogoa unglück, zua ondan seitn föht nua a
kuazes stück
Jede
stufn wiad soagsam testet und inspiziat, bevoa da steile beag wieda kollabiat
Mei
eigne unsichaheit zwingt mi zu an obbruch, bin zu stein eastoat bei jedem
weitren vasuch.
Vagiss vüz schnö die onzoih da
schritt, denn wonn i nochdenk hob i mi jedsmoi wieda vazöht
Meine zeichn moin donn an
queaschnitt, denn wonn is eakläa hot diese woahheit iah zü vaföht
Mei regal is guad oaganisiat,
denn wonn i frogn hob, hob i glei a ontwoat parat
Da schutzschüd hot zum glück
funktioniat, des heut is a klon, des gestan no imma a plagiat.
Bin und bleib a eremit, gsundheitlich hob
i scho a grosses defizit
Wü nix mea riachn, probian, mei ongst
schwächt den feign mut beim regenerian
Wexl ständig mei onsicht, meine
woogschoin foin ständig ausm gleichgewicht
Leb im gestan
net im heut,
hob füa jedn misslungnen konflikt blumen vastreut.
Zwischn gestan
und heut besteht a grosse diskrepanz,
bleibt unsichtboa in an zeitloch
Gestan
no a niemond, heut
bin i die letzte instanz, bestrof des undichte moasche doch
Nochm gestan
und voam heut
gibts afoch kan ausgleich, fliag gemächlich duach die raumzeit
Gestan
woa ois hö, do heut
bin i in an schottnreich, hob donn die vün knochn vom staub befreit.
Do i woit diesn schritt jo goa net gehn, do pletzlich is des gestan
zum heut mutiat
Denn i woit do nua hia in friedn stehn, do pletzlich hot des gestan
mitm heut kopuliat
Do i hob diesn schritt jetzt afoch gmocht, denn des gestan
und heut san wieda vaeint
Denn jetzt bin i endlich wieda eawocht, denn des gestan
und heut hom si jetzt endlich ausgweint.
Beim
ochtn schritt liegt unendlichkeit om fiamament, bin a teil von an stilln
expeariment
Füa
mi a neuonfong, a zweite wiedagebuat, bis ins glückliche zü beim letztn
endspuat
Die
revolution entfocht mit gwoit an flächnbrond, net amoi die weissn fleckn wean
vaschont
Die
eadzeitphasn steuan auf a bedrohung zua, die unsichaheit gfäahdet die
grundstruktua.
Da
neunte schritt füaht diarekt in die voikommenheit, ins peafekte wödoi da
unendlichkeit
A
unhamlicha drochn umschlingt unsan planet, sei schizophrenie eascheint wie a
komet
Meine
peasönlichkeitn spoitn si unbewusst, lausch ondächtig da natua on muttas brust
Lilith
und behemoth bevökan mei sö unds heaz, die schwäazn in mia ziagt mi scho tiafa
obwäats.
Da
zehnte schritt beendet endlich mei odyssee, steh mittn in ana ruinenallee
Die
gebote plogn mein vadoatn lebnsbaum, die pest hoit scho einzug hintam goatnzaun
Mei
totalität is ma obsolut treu eagem, mei geoadnete kronkheit wiad si eahem
Des
hoiz vabrennt und des feua schmüzt sogoa metoi, wossa löscht feua, die eadn is
a boi.
Hob
des schrittezöhn scho längst valeant, denn wonn i zlong übaleg san die details
wie foatgspült
Hob
mein stemplobdruck glei entkeant, denn wonn i vagiss wean die kontuan gonz
unschoaf zaknüllt
Mei
logik is meistens ziemlich schräg, denn wonn i nua grodaus denk wean kuavn und
kreuzung blind
Vabring
mei zeit nua no auf an fleck, des heut is mei gegna, des gestan
is ma feindlich gesinnt.
Die voahäng san scho längst gfoin, die
koide finstanis mecht gean mit foabn moin
Hob kan gschmocksinn, eakenn kan gruch,
mei ongst schwächt den feign mut beim zweitn vasuch
Vatausch mei identität, hob gnua anonym
spioniat mit qualität
Leb im gestan
net im heut,
hob mi bei jeglicha konstellation in da gwoit.
Zwischn gestan
und heut besteht a grosse diffarenz,
bleibt unbemeakt in an zeitschlund
Gestan
woa i a niemond, heut
hob i scho die lizenz, mei schweat schlochtet a ohne an grund
Nochm gestan
voam heut gibts ka regl kan vatrog, fliag
gemächlich duach die raumzeit
Gestan
woa ois guad, do heut
trifft mi gonz allan da schlog, hob jo donn den tod vom lebn befreit.
Do i woit diesn schritt jo goa net gehn, do pletzlich is des gestan
zum heut mutiat
Denn i woit do nua hia in friedn stehn, do pletzlich hot des gestan
mitm heut kopuliat
Do i hob diesn schritt jetzt afoch gmocht, denn des gestan
und heut san wieda vaeint
Denn jetzt bin i endlich wieda eawocht, denn des gestan
und heut hom si jetzt endlich ausgweint.
So vü tränen san
vatrocknet, gflossn und gfoin, tränen wie sond om mea
Des gestan
wü dem heut
seine schuidn zruckzoihn, finds afoch no imma unfäa
So hohe kollateralschädn
san ealaubt, schädn wie sond om mea
Des heut
hot dem gestan
die vün schuidn graubt, diesa letzte schritt woa net schwea.
Da
easte schritt is imma da schwiarigste von oin, denn bis zum letztn wiad no gnua
regn foin
Beim
klanstn widastond vadrängt die feigheit den mut, suacht si a vasteck voa da
panischn flut
Trotzdem
drängt die zeit mit an foadandn ontrieb, da impuis fühlt si on wie a oida sieb
Afoch
in jeda eckn föht die motivation, kräfte und eneagien zeign ka reaktion.
geschrieben am 06./07./08./09. april 2016.pk
copyright by philipp kirschner - 16. november 2016.pk
~~~~~~~~~~~~~~~~~~~~~~~~~~~~~~~~~~
alle strophen wurden veröffentlicht.
danke für euer interesse.
euer
phil
Keine Kommentare:
Kommentar veröffentlichen