~~~~~~~~~~~~~~~~~~~~~~~~~~~~~~~~~~~~
302.
Gedonknlabyrinth.
Deaf
diese valockend geile situation, net zu meim intimen voateil wendn und drehn
Muass
diese heisse erotische impression, ois sexistische prüfung mit bravour bestehn
Deaf
mei eigne diskret vaboagne emotion, net glei dem umföd, da gonzn wöd offnboan
Muass
jetzt endlich mei hamliche woahre passion, im geheimen zu an spätan zeitpunkt
aufspoan.
Deaf
jetzt auf goa kan foi mei wüde phantasie, mit gschlossnen augn in meine träume
einstreun
Muass
diese atmosphärische anomalie, dieses knistan und funknsprühn glei vaobscheun
Deaf
diese köapalich peafekte anatomie, net mit oi meine sinn wieda tiaf inhalian
Muass
jetzt unbedingt diese entzugstherapie, mit grossa wünsstäake bis zum end
forcian.
A leise betörende stimm vafüaht, meine
gedonkn zu uneafülltn wünschn und begeahn
A somtweicha zoata kussmund berüaht,
meine sinnlichn gedonkn, konn mi net dagegn weahn
A leidnschoftlicha augnaufschlog, schaut
in mei gedonknlabyrinth
mit intensiva lust
A hemmungslos animalischa tog, wäamt
meine impulsivn gedonkn on deina scheenen brust.
Deaf
diese neavösn schmettaling in meim bauch, jo net zum umheatoin und tonzn
motivian
Muass
des kribblige gfüh und den liebeshauch, endgültig von meim eahitztn keapa
amputian
Deaf
diesn ungezähmtn rausch mit nua an schritt, in die ondre richtung aus diesa
foin befrein
Muass
diese schweissausbrüch und mein stoarrendn blick, von deim scheenen
englsgleichn ontlitz vatreim.
Deaf
meine hungrign trieb net meah aktivian, damit da duascht vatrocknet, si in luft
auflöst
Muass
die produktion von testosteron reduzian, daduach hätt i mi voa dia donn niemois
entblösst
Deaf
dem scheinheilign freind namens alkohol, afoch niemois wieda blind ins vatraun
ziehn
Muass
scho dringend vom spieglbüd und gegnpol, mit meina gesomtn entschlossnheit
entfliehn.
Deaf
dem unwidastehlich jugendlichn scharm, net glei ealiegn, do mei schwäche hots
ausgnutzt
Muass
jetzt bei jedm foischn und blindn alarm, mei euphorie zügln, hob dei liebe glei
wegputzt
Deaf
dei zaubahoft attraktive weiblichkeit, net jeds klanste detail eafoaschn und
aufspüan
Muass
unbedingt die hautenge jungfräulichkeit, mit meina galantn vafüahrungskunst
aufschnüan.
A leise stöhnende lustvolle stimm, haucht
feuchte gedonkn in meine einsom nächtlichn traim
A rotgschminkta kussmund mit eignsinn,
entlockt mit geschick und können aus den gedonkn jedn keim
A unauffällig holda wimpanschlog, schaut
in mei gedonknlabyrinth
mit intensiva lust
Auf a schüchtan gstöte gflüstate frog,
beontwoatn die gedonkn von söbst on deina scheenen brust.
Mei vastond draht si scho im kreis,
hot si vaiat im gedonknlabyrinth
Steh wieda aufm obstögleis, hob dei
woahre liebe do goa net vadient
Mei vastond wiad longsom varückt,
hot si vaiat im gedonknlabyrinth
Dei liebe hot mi jetzt beglückt, mei
heazschlog wieda von gonz voan beginnt.
Deaf
von diesn unsichtboa schoafn liebeswön, auf goa kan foi übaschwemmt und
untataucht wean
Muass
diese empfindlichn earogenen stön, guad vasteckn, vaschliessn, umhülln und
wegspean
Deaf
mein onnäharungsvasuach net meah freigem, sunst spü i mitm feia, bis mi gonz
vabrennt
Muass
dei magnetische onziehungskroft weghem, donn bin i hoffentlich dagegn
resistent.
Deaf
dei vollendet grazil reizende scheenheit, in kansta weise in mei valiabts heaz
einbaun
Muass
jede klanste lüstane empfänglichkeit, meinaseits untadrückn füa an frein raum
Deaf
dei ausstrohlung net ealaubm zu eablühn, sonst nimmt deine aura mi gänzlich in
besitz
Muass
mei voastellungskroft wiaklich seah hoat bemühn, doss sie net bei dia
einschlogt wie donna und blitz.
Deaf
deinen bewegungen jetzt net meah nochgian, gwisse eignheitn earegn mi bis ins
bluad
Muass
mei kochendes gfüh wieda neutralisian, denn donn is a wieda glockat mei
liebesguat
Deaf
dia mei wunschdenkn net splittanockt eazöhn, sunst wasst sofoat, wos i wiaklich
füa di empfind
Muass
mi weidahin im hintagrund umheaquön, mei innige liebe zu dia vaweht nua da
wind.
A leise lasziv hechelnde stimm keucht,
noch luft ringend in a schweissnosses gedonknlabyrinth
A voilippiga kussmund übahäuft, meine
schamlosn gedonkn mit feuchtigkeit gonz gelind
A kuaza lodanda flehenda blick, schaut in
mei gedonknlabyrinth mit intensiva lust
A chemisch physikalische gestik, vafüaht
die feirign gedonkn on deina scheenen brust.
Mei vastond rotiat auf da stö,
spualos vaschoin im gedonknlabyrinth
Mei keapa is net auf da höh, hob dei
woahre liebe do goa net vadient
Mei vastond draht scho longsom
duach, hot si vaiat im gedonknlabyrinth
Dei liebe is wie des lebmsbuach, mei
heazschlog wieda von gonz voan beginnt.
In meim gedonknlabyrinth
heascht chaos, vawirrung und a sinnlosa konflikt
Zwischn total giariga hingobe und dem mutlosn scheun feigheitsdelikt
In meim gedonknlabyrinth
vauasochn hoamone an grossn wiablstuam
Die gegnsätzlichn gefühle streitn ständig zwischn vanunft und
liebesspuan.
Deaf
mein strapaziat earegtn gemütszuastond, in keinsta weise belostn oda sekkian
Muass
dieses vabronnte stüamische liebeslond, auf an hoibwegs sichren noamalkuas
navigian
Deaf
diese jugendsündn jetzt net meah berüahn, do die valockung is gewoitig, hot
sein reiz
Muass
mei valiabts heaz deina siassn sö zufüahn, denn donn steh i nimma so valoan im
obseits.
Deaf
mi in dei sonnig woams wesn net vaknoin, streichlt und umhüllt mei tönende
resonanz
Muass
jetzt afoch deine liebeswön übamoin, deine augn vaströmen an iadischn glanz
Deaf
deina heissn liebesschwüare kan sinn gem, dei geschmeidige zung jogt schaua üba
mei haut
Muass
deina phasziniarendn figua entschwem, deine propoationen san peafekt zommenbaut.
Deaf
diese valockend geile situation, net zu meim intimen voateil wendn und drehn
Muass
diese heisse erotische impression, ois sexistische prüfung mit bravour bestehn
Deaf
mei eigne diskret vaboagne emotion, net glei dem umföd, da gonzn wöd offnboan
Muass
jetzt endlich mei hamliche woahre passion, im geheimen zu an spätan zeitpunkt
aufspoan.
A leise flüstande hauchende stimm, neckt
und flirtet mit mein aufgwühltn gedonknlabyrinth
A roda kussmund entlockt melodien,
vazaubat meine gedonkn, mochns donn taub, stumm und blind
A winziga funkn im aug vadreht, mei gedonknlabyrinth
mit äussast intensiva lust
A himmlisch englsgleiches flauschigs
bett, vafüaht die pikantn gedonkn on deina scheenen brust.
Mei vastond wiad schwindlig vom
roin, unauffindboa im gedonknlabyrinth
Wea meine phobien jetzt bereun, hob
dei woahre liebe do goa net vadient
Mei vastond bricht jede manie, hot
si vaiat im gedonknlabyrinth
Dei liebe gibt ma eneagie, mei
heazschlog wieda von gonz voane beginnt.
In meim gedonknlabyrinth
heascht chaos, vawirrung und a sinnlosa konflikt
Zwischn total giariga hingobe und dem mutlosn scheun feigheitsdelikt
In meim gedonknlabyrinth
vauasochn hoamone an grossn wiablstuam
Die gegnsätzlichn gefühle streitn ständig zwischn vanunft und
liebesspuan.
Mei gedonknlabyrinth
spüt mit mein vastond seit wochn scho vasteck
Mei gedonknlabyrinth
braucht jetzt dei liebe, sunst stiaz i in den dreck
Mei gedonknlabyrinth
gibt ma ka ontwoat auf diese ane frog
Mei gedonknlabyrinth
braucht jetzt dei liebe, jede nocht, jedn tog.
Deaf
diese valockend geile situation, net zu meim intimen voateil wendn und drehn
Muass
diese heisse erotische impression, ois sexistische prüfung mit bravour bestehn
Deaf
mei eigne diskret vaboagne emotion, net glei dem umföd, da gonzn wöd offnboan
Muass
jetzt endlich mei hamliche woahre passion, im geheimen zu an spätan zeitpunkt
aufspoan.
__________________________________
Geschrieben am 01./02./03.
juli 2015.pk.
Überarbeitet am 14./15.
jänner 2017.pk. – copyright by philipp kirschner.pk.
*********************************************
danke für euer interesse und für euren besuch. hier die üblichen verdächtigen links
www.facebook.com/philjazz
twitter.com/philjazmetlyric
https://plus.google.com/u/0/104160599138757338426
Keine Kommentare:
Kommentar veröffentlichen