so, meine lieben treuen mundartigen leserinnen und leser. und schon wartet der nächste text darauf, von euch gelesen zu werden. habt keine scheu. viel spass dabei.
>>>>>>>>>>>>>>>>>>>>>><<<<<<<<<<<<<<<<<<<<<
319.
Weit entfeant.
Es
tuat ma lad, doss i di no zu so späta stund no stöa, i hoff, i neav net, hob di
net aufgweckt
Bitte
vazeih ma, do in mia wohnt grod a grosses malhöa, i hoff, i hob di net damit
easchreckt
Es
tuat ma lad, oba i muass da mei innastes preisgem, hoff, hob di no zua rechtn
zeit eareicht
Bitta
vazeih ma, do i konn in dem zuastond net meah lem, i hoff, di hot no ka
gänsehaut gstreift.
Gestan
woa füa mi da ollaschrecklichste tog, mia woa speiübl, da kopf hot gedröhnt,
wie von an hoatn schlog
Denn
gestan woan die vün stund a höllnquoi, völlig danebm, ka motivation, nua aufm
bremspedoi
Gestan
woan olle stundn nua foitastich, mei bauch is vakrompft, mei heaz vablutet,
suach scho mein hoitegriff
Gestan
hot ma die zeit nua sönschmeazn brocht, hitzewön und donn wieda schüttlfrost,
steck in an engen schocht.
Du bist so nah und do so weit
entfeant, vadommt, i hob afoch no imma nix
dazuagleant
Du bist so peafekt und so wundascheen, i
deaf on di net meah denkn, di net meah onsehn
Du bist so lieblich, dei wesn so rein,
vadommt, meine augn tränen von deim sonnenschein
Du bist so weich, so zoat, so unberüaht,
nua im traum hob i dei intime nähe innig gspüat.
Es
tuat ma fuachtboa lad, doss i di jetzt scho wieda oblenk, hoff, i dräng mi net
auf, hob di net vawiat
Bitte
vazeih ma, do in mia gibts grod kan ruhign moment, i hoff, i hob di damit net
schockiat
Es
tuat ma lad, oba dieses gfühl hot afoch moi rausgheat, hoff, i hob di damit net
übafoin
Bitte
vazeih ma, denn mei vanunft is scho total zasteat, i hoff, des gonze wiad gonz
leicht obproin.
Gestan
woa füa mi da ollagrässlichste tog, woit da ois eazöhn, woa oba vüz feig, hoit
nua an monolog
Gestan
woa des martyrium a woahre schlocht, übaroi valetzt, fühl mi scho schweakrong,
nua im elend vabrocht
Gestan
hätt i ka anzge minutn vamisst, konn net frei atmen, iss und trink nix meah,
wea zu an extremist
Seit
gestan befind i mi in an kriagszuastond, hob mi guad vaschonzt, geh net meah
hinaus, bleib hinta meina wond.
Do
du eascheinst ständig voa meine augn, egal ob offn, gschlossn oda sogoa im
schlof
Muasst
ma endlich diese gefühle raubm, entzündest ständig diesn explosivn brennstoff
Hüf
ma, befrei mi, konn di net vatreibm, moch iagendwos, damit i nix meah füa di
empfind
Schlog
ma ins gsicht, missbrauch mi ois züscheibm, vadommt, fühl mi wieda wie a
pubatäres kind.
Du bist so nah und do so weit
entfeant, vadommt, i hob afoch no imma
nix dazuagleant
Du bist a engl, a elfe, a fee, muass mi
endlich oblenkn, steck fest im tiafn schnee
Du wiakst so zabrechlich, gheast guad
beschützt, vadommt, meine augn hom die tränen untastützt
Du bist so graziös, so ungezähmt, nua im
traum hob i di mit meina liebe übaschwemmt.
I hoits afoch net meah aus, mei
schrei dröhnend laut vahoit, meine fäuste schlogn gegand wond
Wü von hia wieda hearaus, hätt die
zeit gean übamoit, küss dein hois, dein mund, dei hond
Do du bist vüz weit
entfeant, konn di do net ignoarian, dei
duft hot an erotischn hauch
Hätt di so gean no entkeant, mecht
di so gean animian, küss deine augn, dei nase, dein bauch.
Es
tuat ma so lad, doss i scho wieda dein weg übaquea, hoff, i hoit di net auf,
steh net hearum
Bitte
vazeih ma, in mia heascht grod vü gedonknvakeah, hoff, i vatreib di net ins
vakuum
Es
tuat ma lad, hob da ohne a zeichn die woahheit gsogt, i hoff, du vakroftest
mein übamut
Bitte
vazeih ma, do mei heazschlog hot scho mein puis vajogt, hoff, in dia leicht no
a bissl a glut.
Gestan
woa füa mi da bittabeseste tog, hobs lochn valoan, ka freude meah gspiat, sitz
im lean woschtrog
Gestan
woa mei zuastond a tätiga vuikan, ois hot drin rumoat, ois brodlt und kocht,
füan ausbruch gibts kan plan
Gestan
woa jede sekundn a labyrinth, in mia chaos pua, die eadn hot bebt, du mochst mi
völlig blind
Seit
gestan steh i mittn in da liebesschlocht, öffne meine oam, mei heaz und mei sö,
füa dei himmlische procht.
Denn
i seh di im wossa und in da luft, hinta jedm baum, im fensta, sogoa im gestein
Befrei
mi endlich aus diesa engen kluft, bringst mi zum schmözn, schleudast mi in a
ondas sein
Lös
do den knotn, mochs net so kompliziat, zeig man fluchtweg, damit i dei aura net
meah spüa
Gib
ma an tritt, schlog mi do unkontrolliat, vadommt, in mia woxt no imma a
liebesgeschwüa.
Du bist so nah und do so weit
entfeant, vadommt, i hob afoch no imma
nix dazuagleant
Bist die scheenste blume, die imma blüht,
muass di aus mein hian brennen, übamoi dei büd
Du bist bezauband, betöast duach dein
blick, vadommt, meine augn hom beim weinen ka geschick
Du bist so süss, so aufreizend, so hold,
nua im traum hob i di mit meina liebe übarollt.
I vasteh des afoch net, mei eneagie is aufbraucht, meine fäuste dreschn gegand wond
I vasteh des afoch net, mei eneagie is aufbraucht, meine fäuste dreschn gegand wond
Mei kroft hot si söbst obdreht, hob
den tog no long ongfaucht, küss dein hois, dein mund, dei hond
Do du bist vüz weit
entfeant, und du bist net unsichtboa, dei
figua vastroiht an geiln hauch
Hätt di so gean no aufgwäamt, trogn
bis zu dem oitoa, küss deine augn, dei nase, dein bauch.
Bitte bring mi net dazua, doss i di donn hossn muass, damit i mi net
meah in di valieb
Bitte bring mi net dazua, doss i mi betrinkn muass, damit i mi net meah
in di valieb
Drum streichl mi und hoit mi fest, spreng die kettn deina
onziehungskroft
Drum weaf mi aus da umlaufbahn, steck mi jetzt endlich moi in einzlhoft.
Es
tuat ma lad, doss i di belästig, mi in dei lem dräng, hoff, du vagibst ma zu
gegebna zeit
Bitte
vazeih ma, mi hots voi eawischt, sei net oi zu streng, i hoff, du vastehst
jetzt mei eahlichkeit
Es
tuat ma lad, doss mit mia die wüdpfeade duachgongen san, hoff, du host ka ongst
voam schwoazn hengst
Bitte
vazeih ma, bin noch dia varuckt, a klana hoizspan, i hoff, doss du dia kan
schiefa einfängst.
Gestan
woa füa mi da ollascheislichste tog, mia woa scho so schlecht, in mia a virus,
hoit da eh kan voatrog
Gestan
woa mei ich um hundatochzg grad vadreht, hot si ois aufgstaut, donn is
explodiat, hot si weida aufbläht
Denn
gestan woa ma die zeit scho so vahosst, foi in a tiafs loch, is mit soiz
gefüllt, hob wieda net aufposst
Seit
gestan vasteh i den schmeaz in meina brust, zaquetscht und zamoimt, zastücklt,
vabronnt, zu hoha bluadvalust.
Du
fliagst ständig in mein vastond auf und ob, kontrolliast oi meine sinne, liest
aus meim gehian
Bring
jetzt mei gleichgwicht wieda ins rechte lot, massia meine gefühle, mei
bewusstsein, mei stian
Hüf
ma, befrei mi, zastea des liebesgrüst, lösch mei eainnarung, vawondl mi in an
geist
Vaprügl
mi, des soiz hot mein schmeaz vasüsst, vadommt, mei liebe is scho wieda total
entgleist.
Du bist so nah und do so weit
entfeant, vadommt, i hob afoch no imma
nix dazuagleant
Du bist a reife frau, gheast no gepflückt,
meine therapien san olle miteinond missglückt
Dei lächln taucht mi in a neblföd,
vadommt, meine augn valian tränen im himmlszöt
Denn du bist füa mi so begeahnsweat, nua
im traum host du mi mit deina liebe beeaht.
I foah no aus meina haut, schrei mei
gonze lust hearaus, meine fäuste knüppln diese wond
Hob da mei lem onvatraut, schickt da
mei liebe freihaus, küss dein hois, dein mund, dei hond
Do du bist vüz weit
entfeant, schmeck und riach dei aroma,
dei spieglbüd nua a zoata hauch
Hätt di no so gean umschwäamt, i foi
scho fost ins koma, küss deine augn, dei nase, dein bauch.
Bitte bring mi net dazua, doss i di donn hossn muass, damit i mi net
meah in di valieb
Bitte bring mi net dazua, doss i mi betrinkn muass, damit i mi net meah
in di valieb
Drum streichl mi und hoit mi fest, spreng die kettn deina
onziehungskroft
Drum weaf mi aus da umlaufbahn, steck mi jetzt endlich moi in einzlhoft.
Vielleicht hätt i da goa
nix schreibm soin, du findst des kindisch, sog mas im vatraun
Vielleicht muass i mi
jetzt gründlich onschnoin, du mogst zwoa männa, liebst oba die fraun
Vielleicht host wiaklich
ka problem damit, denn du bist sowieso vüz weit entfeant
Vielleicht hob is
gschofft, du woast mei limit, hob di mit meina sonftn liebe umschwäamt.
Es
tuat ma lad, doss i di no zu so späta stund no stöa, i hoff, i neav net, hob di
net aufgweckt
Bitte
vazeih ma, do in mia wohnt grod a grosses malhöa, i hoff, i hob di net damit
easchreckt
Es
tuat ma lad, oba i muass da mei innastes preisgem, hoff, hob di no zua rechtn
zeit eareicht
Bitta
vazeih ma, do i konn in dem zuastond net meah lem, i hoff, dia hot no ka
gänsehaut gstreift.
Bitte bring mi net dazua, doss i di donn hossn muass, damit i mi net
meah in di valieb
Bitte bring mi net dazua, doss i mi betrinkn muass, damit i mi net meah
in di valieb
Drum streichl mi und hoit mi fest, spreng die kettn deina
onziehungskroft
Drum weaf mi aus da umlaufbahn, steck mi jetzt endlich moi in einzlhoft.
~~~~~~~~~~~~~~~~~~~~~~~~~~~~~~~~~~~~~~~~~
Geschrieben am
04./05./11./12./13. september 2015.pk.
Überarbeitet am
21./22. jänner 2017.pk. – copyright by philipp kirschner.pk.
******************************************************************
danke für euren besuch und euer interesse.
euer phil
hier noch die üblichen links:
Keine Kommentare:
Kommentar veröffentlichen