seid mir aufs herzlichste gegrüsst.
ich glaube, es ist wieder an der zeit für den nächsten text, damit ihr euch nicht zu sehr langweilt. setzt euch doch gemütlich in ein ruhiges eck und besucht meinen blog. habe schon sehr viele texte für euch bereitgestellt, von euch gelesen zu werden. habt keine angst, eure lesemacht möge und wird mit euch sein. genug gefaselt. hier ist er auch schon:
>>>>>>>>>>>>>>>>>>>>>><<<<<<<<<<<<<<<<<<<<<
323. | meine fünf sinn.
Jetzt
is scho wieda soweit, mit an donnandn schlog tickt unsre vüz kuaze zeit
Die
glühendn zeiga unsra übalebmsuah fliagn afoch vüz schnö dahin
Jetzt
hoit di fest, sei bereit, füa die ois enthüllende bittre reine woahheit
Oba
vielleicht eagibt dieses weit geöffnete buach übahaupt kan tiafan sinn.
Jetzt
is scho wieda voabei, a schrill gellend, heulenda, markeaschüttanda schrei
Eafosst
uns mit volla wucht und dringt dröhnend laut tiaf in uns duach unsre klan oahn
Jetzt
zöhn ma olle bis drei, wiad kan untaschied mochn, is völlig einalei
Oba
vielleicht gehn wenigstens a poa beschriebne seitn vom buach no net valoan.
Oba es heat afoch net auf, die stimm in
mia flüstat mit an zäatlichn hauch
Zöht bis drei, pletzlich is donn stü, die
stimm in mia wispat mit an sonft wachn gfüh
Sie kontrolliat mein vastond, mei sö,
mein geist, meine gedonkngänge san scho wieda entgleist
Sie übanimmt jede anzelne aktion, mei
eigna wün, meine fünf sinn
hom a föhfunktion.
Jetzt
is scho wieda soweit, mächtig schwoaze woikn bedeckn unsre freiheit
Den
lebmsfrohn sonnenstroihn föht scho die kroft, dieses mächtige bond zu
duachboahn
Jetzt
denk dron und sei bereit, füa den letztn sprung in a fiktive wiaklichkeit
Oba
vielleicht enthält dieses buach wichtige hinweise üba lebmssensoan.
Jetzt
is scho wieda voabei, mei träumende existenz bewohnt a molarei
Prächtig
kroftstrotzend leichtende foabm bekämpfn des vamischte schwoaz, grau und weiss
Jetzt
zöhn ma olle bis drei, die fuachtlose gegnweah eatrinkt im unschuidsbrei
Oba
vielleicht gibts füa diese utopische phantasie an stichhoitign beweis.
Denn
in meine eignen traim fliag i duach zeit und raum, und lond in ana fremdn wöd
Denn
in meina eignen wöd existiat donn ka traum, nua a seah grosses himmlszöt
Denn
in mein eignen zöt leichtn die stean foabmreich, redn in ana fremdn sproch
Denn
mit meina eignen sproch vasteh i den ausgleich, foi im traum in a tiafes loch.
Oba es heat afoch net auf, die stimm
säuslt mit an vafüahrarischn hauch
Zöht bis drei, pletzlich is donn leis,
diese stimm muamlt des geheimnis ois beweis
Sie beheascht mei denkn, mei ich und mei
sein, mei instinkt woa früha stoak ausprägt und äussast fein
Und sie bemächtigt si jedn meina schritt,
mei eigna wün, meine fünf sinn
san jetzt iah gebiet.
Hob kan zugriff meah auf meine
fünf sinn, wea nua feangsteuat, scho seit
onbeginn
Hob ka gwoit meah üba meine
fünf sinn, bin nua a foahgost mit vü
disziplin
Ka heaschoft meah üba meine
fünf sinn, tram wieda im schlof mit da
medizin
Hob ka aufsicht üba meine
fünf sinn, ka hoiz zum nochlegn füa mein
kamin.
Jetzt
is scho wieda passiat, bin mit dem endlos vagongenen licht kollidiat
Tauch
donn schwearelos duach sichtboare und unsichtboare woiknwön aus eneagie
Jetzt
hot wea mein wün blockiat, hob in da finstanis mit an engl kopuliat
Schweb
mit rasenda geschwindigkeit duach die raumzeit in die kronke anomalie
Oba
vielleicht offnboat ma dieses buach gonz a ondre vakeahte strategie.
Jetzt
san olle wüafln gfoin, muass jetzt füa mei valoane wett bittabes bezoihn
Soatia
die eingsommltn zasteatn punkte noch iahra dreckign weatigkeit
Jetzt
is des echo vahoit, hob d‘letzte symphonie mit da kugl übaroit
Dieses
kompliziate notnlabyrinth vawischt die klongfoabm mit feichtigkeit
Oba
vielleicht entsteigt dem zaschlissnen buach a spua von jungfräulicha
longsomkeit.
Denn
in meine eignen traim bin i mei eigna hea, konn tuan und mochn wos i wü
Denn
in meina eignen wöd gibts hoate gegnweah, übawoch jedes klane spü
Denn
in mein eignen spü hoit si ois im gleichgewicht, guad und bes reichn si die
händ
Denn
mit meina eignen sproch vasteh i recht und pflicht, i hoff, da traum findt no
ka end.
Oba es heat afoch net auf, diese stimm zischlt mit an gehässign hauch
Zöht bis drei, pletzlich is lautlos,
diese stimm munklt von an schändlichn vastoss
Sie vaklavt mei lebm und mei bewusstsein,
die vün eainnarungen woan nua so zum schein
Sie fesslt und kneblt jede fähigkeit, mei
eigna wün, meine fünf sinn
san jetzt iah raumzeit.
Hob kan einfluss meah auf meine
fünf sinn, wie in nebl taucht, nua disharmonien
Führung valoan üba meine
fünf sinn, bin nua blinda passagia ohne
stimm
Ka autorität üba meine
fünf sinn, tram wieda im schlof von
dystopien
Beföhsgwoit valoan üba meine
fünf sinn, bin umgebm von paradoxien.
Mei widaspruch liegt in da logik begründet ohne meine
fünf sinn
Mei grenzn zwischn frei und zwong is winzig kla ohne meine
fünf sinn
Mei geistiga horizont is net weit entfeant ohne meine
fünf sinn
Mei lebmsrückblick vaschwindt in da dunklheit ohne meine
fünf sinn.
Jetzt
is scho wieda passiat, mei müdigkeit hot si mit meina sucht amüsiat
Meine
trübm gedonkn stüazn im frein foi ins chaos, ins letzte vadeam
Jetzt
is mei sicht wieda blockiat, die söbstzastöararischn voawüaf hom zvü riskiat
Klane
schnölle tiafe schnitt in die haut gritzt vaklebm die bluadign schoafn scheam
Oba
vielleicht konn i die letztn losn seitn vom buach no rechtzeitig obfäam.
Jetzt
san olle wüafln gfoin, muass die spitzn kantn wieda ausm feia hoin
Meine
zakrotztn eainnarungsbüda blitzn kuaz auf, hom si wieda aufglöst
Jetzt
is des echo vahoit, ois negative vabreitet wieda iah vüfoit
Im
ewign kreislauf vatiaft wiad diese suppm mit schwoaza magie eingeflösst
Oba
vielleicht hot dieses buach die mit kronkheit befoinen seitn scho längst
entblösst.
Denn
in meine eignen traim bin i da kommandant, schrei befehle ind weide wöd
Denn
in meina eignen wöd is ois irrelevant, die schlochtn kämpf i aufm föd
Denn
auf mein eignen föd hoitn guad und bes die woog, im mittlpunkt heascht des
gesetz
Denn
in meina eignen sproch vasteh i jetzt die frog, wo befindet si nua mei netz.
Oba es heat afoch net auf, diese stimm
raunt mit an grausam brutaln hauch
Zöht bis drei, pletzlich is donn stumm,
diese stimm tuschlt üba mei delirium
Sie steiat meine synapsn, meine zön, die dunkle
materie in mia mocht nua baustön
Sie manipuliat, vaschleiat, entstöt und
betrügt, mei eigna wün, meine fünf sinn
san jetzt vaunglückt.
Zeig ka wiakung meah bei meine
fünf sinn, bin vaschluckt woan, konn von
hia net mea fliehn
Mei talent valoan bei meine
fünf sinn, hob mas do nua provisorisch
ausgeliehn
Hob ka mocht meah üba meine
fünf sinn, tram wieda im schlof mit
amphetamin
Des niveau tiaf gfoin bei meine
fünf sinn, hob scho gnua von diese
zeremonien.
Meine wahnvoastellungen nehmen übahond ohne meine
fünf sinn
Des labyrinth im niemondslond is öd und lea ohne meine
fünf sinn
Mei köapaliche gsundheit hot tiafststond eareicht ohne meine
fünf sinn
Mei eigne lebmsgschicht is scho ausradiat woan ohne meine
fünf sinn.
Ohne meine
fünf sinn bin i obgrichtet, gebändigt,
gezähmt und gonz fromm
Ohne meine
fünf sinn is mei hoss auf di wie a klans
unschuidigs atom
Ohne meine
fünf sinn bin i zutraulich, besänftigt,
foigsom und gonz lieb
Ohne meine
fünf sinn bekommt jetzt mei hoss auf di an
letztn gnodnhieb.
Jetzt
is scho wieda soweit, mit an donnandn schlog tickt unsre vüz kuaze zeit
Die
glühendn zeiga unsra übalebmsuah fliagn afoch vüz schnö dahin
Jetzt
hoit di fest, sei bereit, füa die ois enthüllende bittre reine woahheit
Oba
vielleicht eagibt dieses weit geöffnete buach übahaupt kan tiafan sinn.
~~~~~~~~~~~~~~~~~~~~~~~~~~~~~~~~~~~~~~~
Geschrieben am 01. august
2012 /// 21./22./23./24. september 2015.pk.
Überarbeitet am 24.
jänner 2017.pk. – copyright by philipp kirschner.pk.
**********************************************
nochmals ein herzliches dankeschön für euer interesse, für eure lange treue, euren mehrmaligen besuch und für eure investierte zeit, die ihr alle ins lesen und übersetzen dieser mundartigen texte steckt. vielen lieben dank dafür.
und hier wieder die üblichen links:
danke für alles. und ich habe noch eine grosse bitte.
bleibt mundartig gesund und bleibt mir weiterhin gewogen.
euer philjazzmetal, dialectiloquax, der mundartige.
Keine Kommentare:
Kommentar veröffentlichen