mundartige texte - philipp kirschner: 340.

hallo, salvete, seid mir alle aufs herzlichste gegrüsst, o ihr lieben treuen leserinnen und leser.
es ist eine riesengrosse freude zu sehen, wie mein blog geradezu von euch allen gestürmt wird.
habt dafür meinen innigsten dank.

hier habe ich euch wieder nach längerer pause die klickliste bereitgestellt: ihr könnt sehen, wie mutig ihr seid, euch auf diese texte einzulassen. danke.

335. | wiedakeah    mit 553 klicks
333. | schicksoi    mit 465 klicks
338. | entfüaht    mit 375 klicks
336. | gspoitne schizophrenie mit 373 klicks
334. | ois vastehn       mit 278 klicks
332. | ozean    mit 257 klicks
337. | philosophiat    mit 246 klicks
339. | auf diesm gleis       mit 241 klicks
410. | bezoiht    mit 217 klicks
408. | vagabund        mit 216 klicks
331. | mut mit 209 klicks
409. | des licht und die dunklheit mit 195 klicks

nun aber zum nächsten text, der da lautet: 340. | begeaht. hierbei geht es um eine liebe, die leider bereits geendet hat. doch irgendwie landet er wieder bei ihr im bett....
also, seid gespannt. wünsche euch ein lesevergnügen der besonderen art:

>>>>>>>>>>>>>>>>>>>>>>>><<<<<<<<<<<<<<<<<<<<<<<<

340. | begeaht.

Easpoa ma jetzt bitte jede oat von diskussion, easpoa ma deine wut, dei sinnlose aggression

Easpoa ma jetzt bitte die foischn tränen im gsicht, easpoa ma dei sabotage, dein lügnbericht

Easpoa ma jetzt bitte dein ausredneinheitsbrei, easpoa ma dei intrige, dei unnötigs geschrei

Easpoa ma jetzt bitte dei gekränkte wesnsoat, easpoa ma dei geheul, dei lächaliche gegnwoat.

Denn i eatrog afoch dei dummes getu net meah, dei blödes gewäsch geht ma aufm geist

Denn mia foit des ewig dauande zuahean scho schwea, mei gleichgewichtssinn is scho fost entgleist

Denn i vasteh dei ständigs nöagln und raunzn net, jede klanigkeit wiad glei niedagmocht

Denn deine argumente hom goa ka qualität, mei vastond hot scho laut üba di glocht.

Jetzt hüft a ka entschuidigung, ka kniefoi meah, net amoi auf dein keapa hob i no lust

Hob jetzt von dia endgültig gnua, bist so konträa, dei nocktheit hot mi oba net beeinflusst

Jetzt hüft a ka vateidigung, ka alibi, dei vafüahrungskunst valiat scho phantasie

Schliess jetzt des kapitl ob, hob mei tüa zuagspeat, hob dei nocktheit trotzdem wieda begeaht.

Easpoa ma jetzt deine eaklärungen von deim lem, easpoa ma deine argumente, deine problem

Easpoa ma jetzt dei unschuidige scheinheiligkeit, easpoa ma dein wutausbruch, meine valoane zeit

Easpoa ma bitte dein mitleidearegendn blick, easpoa ma dei traurigkeit, dein schlechtn zaubatrick

Easpoa ma jetzt bitte dei beleidigende oat, easpoa ma deine flüche, dei letztes obschiedswoat.

Ignoaria jetzt deine imma gleichn streitarein, dei kreischende stimm is ma scho vahosst

Vaobscheu deine vün dreckign betrügarein, du host mein stoiz scho ziemlich vawoahlost

Denn bei deinen gschichtn woa afoch imma wos faul, jede vaändrung wiad im keim eastickt

Stopf da om liabstn füa dei frechheit glei dei schondmaul, do diese situation woa zu vazwickt.

Du wiafst ma ois megliche voa, do i hea da scho goa net meah so richtig zua

Bringst di söba in grosse gfoah, mochst dabei afoch imma a guade figua

Soi da vagebm und vazeihn, do mei geduid hot scho längst den hechststond eareicht

Du wüst uns eigentlich entzwein, dei plan is scho glückt, hob mei liebe scho obgstreift.

Jetzt höfn kane ausflüchte, ka voawond meah, net amoi dei sexappeal töant mi no on

Hob gnua, denn dei benehmen is so elitäa, dei nocktheit tonzt mit mia wieda gonz synchron

Jetzt hüft ka bedauan, ka feingfüh, ka bereun, dei schwoche erotik is scho gonz tiaf gfoin

Ziag jetzt an dickn schlussstrich, hob die tüa zuagspeat, hob dei nocktheit trotzdem wieda begeaht.

Und wieda geht die sunn im ostn auf, du liegst nebm mia schlofend und gonz nockt

Und des unglück nimmt weita seinen lauf, hob di wieda begeaht, in a foin glockt

Und die stean vablossn om fiamament, räklst di ungehemmt gonz ohne scheu

Und du bist wieda in deim element, hob di wieda begeaht, woa da imma treu.

Easpoa ma jetzt bitte jede oat von diskussion, easpoa ma dei schodnfreude, dei illustration

Easpoa ma jetzt bitte dei fieses lochn im gsicht, easpoa ma dein laszivn peaveasn bericht

Und easpoa ma jetzt bitte dei bessawissarei, und easpoa ma dei i-hobs-jo-gwusst-ongebarei

Und easpoa ma jetzt bitte dein gutnmoagnkuss, und easpoa ma dei wäame und dein heazenseaguss.

Denn i wead diesn föhla net no amoi begehn, dei uneasättlichkeit treibt mi ond wond

Konn dei sucht noch sadomaso net meah gonz zuadrehn, valia on kroft, leist da kan widastond

Pletzlich is dei einfoisreichtum wieda explodiat, jedes detail is wichtig füa dei spü

Host mit mia so vü experimente ausprobiat, vüz weit entfeant is dei eakläates zü.

I wiaf da ois megliche voa, do du heast ma scho goa net meah so richtig zua

Bringst mi dabei in grosse gfoah, mochst dabei afoch imma a geile figua

Hob da vagebm und vaziehn, mei ungeduid auf dei eafindungsreichtum brennt

Konn aus deim netz net meah entfliehn, dei plan is scho glückt, mei liebe hot si ausdehnt.

Jetzt höfn kane oblenkungsmanöva meah, ka kometneinschlog hoit mi do no zruck

Kriag von dia net gnua, dei kunst is scho legendäa, dei nocktheit setzt mi gehörig unta druck

Jetzt hüft ka festhoitn, ka fessl und ka seil, dei füa mi scheene peafektion mocht mi gonz geil

Öffne mei heaz und mei sö, hob die tüa aufgspeat, hob dei earegte nocktheit wieda heiss begeaht.

Und wieda geht die sunn im ostn auf, du liegst nebm mia schlofend und gonz nockt

Küss deine augn, dein mund, hois und bauch, hob di so begeaht wie om eastn tog

Und die stean vablossn om horizont, räklst di wollüstig gonz ohne scheu

Kämpfst mit mia wieda on voadesta front, hob di so heiss begeaht, woa da imma treu.

Bist so attraktiv und so begeahnsweat, bist so kreativ, hob mi noch dia vazeaht

Bist anzigoatig und bist prächtig gebaut, bin noch dia süchtig, hob da wieda vatraut

Bist mei elixia, mei tiafa ozean, bist mei wüdes tia, mei giariga oakan

Loss di net meah los, hob di wieda begeaht, jeda weitre stoss, hot den höhepunkt genäaht.

Easpoa ma jetzt bitte jede oat von diskussion, easpoa ma des schlechte gwissn, dei provokation

Easpoa ma jetzt bitte dei liabs grinsn in deim gsicht, easpoa ma des romantisch tänzlnde keaznlicht

Easpoa ma dei vasprechn füa a radikalkua, easpoa ma jetzt dei kriecharei und dei frohnatua

Easpoa ma jetzt bitte dein woahn liebesbeweis, easpoa ma bitte dei zweisomkeit, dein lebmskreis.

Denn i deaf dei weites magnetföd jo net berüahn, dei onziehungskroft vazeaht eneagien

Muasst jetzt deine rundungen vasteckn und vaschnüan, reizt mi mit deinen vün anomalien

Steh in deinem bann, host mi vazaubat und vahext, dei akrobatik is scho ziakusreif

Denn dei schmutzige oat hot mi scho total vasext, brauch dringend a obkühlung zum ausgleich.

Du wiafst mi donn aufs wache bett, konn mi goa net weahn, bin scho schwoch und ausgelaugt

Do dei eascheinung is adrett, host ma no meine letztn reseavn ausgsaugt

Hob da längst vagem und vaziehn, dei geschicklichkeit hot mi scho wieda eastaunt

Bin jetzt füa imma bei dia bliem, dei plan is glückt, unsre liebe is gut gelaunt.

Jetzt höfn kane mauan, grenzn, hüadn meah, ka vuikan steat mein animalischn trieb

Mecht di mit haut und hoa, bist extraoadinäa, dei heisse nocktheit mocht mi zum meistadieb

Jetzt hüft ka festnogln, vagrom, einbetonian, find jetzt imma an weg, um di zu vafiahn

Öffne meine fünf sinn, hob jetzt die tüa aufgspeat, hob dei freie nocktheit wieda heiss begeaht.

Und wieda geht die sunn im ostn auf, du liegst nebm mia schlofend und gonz nockt

Unsre keapa san seah oft in gebrauch, hob di intensiv begeaht und hob frohlockt

Die stean vablossn, da mond voi und rund, räklst di laut stöhnend gonz ohne scheu

Sehn voa lauta liebe ois kuntabunt, hob di so heiss begeaht, woa da imma treu.